“Finex Kredit” BOKT ASC kiçik və orta sahibkarların, fermerlərin və fərdi şəxslərin kredit ehtiyaclarını ödəyən, şəffaf idarəetməyə malik kredit təşkilatıdır.
2013
Mərkəzi Bankın 14 saylı lisenziyası ilə fəaliyyətə başlamışıq
2015
Bakı Fond Birjasında listinqə daxil olan ilk 3 emitentdən biri
6
Bakıda baş ofis və regionlarda filiallar
2,47 mln ₼
Nizamnamə kapitalı
“Finex Kredit” BOKT ASC 10.09.2013-cü ildə Mərkəzi Bankın verdiyi 14 saylı lisenziya əsasında, “Bank olmayan kredit təşkilatları haqqında” qanuna və tənzimləyici orqanın göstəriş və təlimatlarına uyğun olaraq 18 sentyabr 2013-cü ildən fəaliyyət göstərir.
Təşkilat kiçik və orta müəssisələrin kredit ehtiyaclarını ödəyən, rəqabət qabiliyyətli və peşəkar komandaya malik kredit təşkilatıdır. Şirkət nüfuzlu maliyyə institutları, banklar və dövlət qurumları ilə sıx əməkdaşlıq edir.
“Finex Kredit” Sahibkarlığın İnkişafı Fondunun müvəkkil kredit təşkilatıdır və Aqrar Kredit və İnkişaf Agentliyi ilə əməkdaşlıq edir. Bu əməkdaşlığın nəticəsində regionlarda fermer və sahibkarlara güzəştli kreditlər verilib, yeni təsərrüfatlar qurulub, yeni iş yerləri açılıb.
Yarandığı gündən qiymətli kağızlar bazarının fəal iştirakçısı və yüksək gəlirli korporativ istiqrazların emitentidir. 24 dekabr 2015-ci ildə Bakı Fond Birjasının Listinq Komitəsinin qərarı ilə şirkətin qiymətli kağızları standart bazar seqmentində listinqə daxil edilən ilk üç şirkətdən biri olub.
Şirkət şəffaf idarəetmə və hesabat siyasəti yürüdür. Rəsmi xarici auditoru RSM Global beynəlxalq şirkətidir, yoxlamaların nəticələri hər il ictimaiyyətə açıqlanır.
Komandamızın kreditləşmə sahəsində təcrübəsinin başlanğıcı
Mərkəzi Bankın 14 saylı lisenziyası ilə fəaliyyətə start
Aqrar Kredit və İnkişaf Agentliyi ilə əməkdaşlıq
Bakı Fond Birjasında listinq və Sahibkarlığın İnkişafı Fondu ilə əməkdaşlıq
AMFA-nın Müşahidə Şurasında təmsilçilik
Yeni istiqraz emissiyası və Masallı filialının açılışı
Nizamnamə kapitalının 2,472 mln manata çatdırılması
“Finex Kredit” BOKT maliyyə bazarının real şərtlərini obyektiv qiymətləndirən, çevik faiz siyasəti ilə seçilən, sabit, təcrübəli və rəqabət qabiliyyətli kredit təşkilatıdır. Peşəkar komandamız uzunmüddətli əməkdaşlıq əsasında müştərilərə və tərəfdaşlara yüksək keyfiyyət standartlarına cavab verən maliyyə xidmətləri göstərir. Əlverişli qiymət siyasəti yürüdərək hər zaman müştərilərimizin ehtiyaclarına cavab verəcəyik.
Strateji məqsədimiz Azərbaycanın aparıcı kredit təşkilatı olmaq və öz seqmentimizdə maliyyə xidmətləri bazarında lider mövqe tutmaqdır.
Müştərilərlə uzunmüddətli tərəfdaşlıq, xidmət keyfiyyətinin davamlı artırılması, şəffaf və sağlam biznes əlaqələri qurmaq əsas prioritetimizdir.
Kredit bazarında tanınan və hörmət qazanan bir brend yaradırıq — bunun üçün sabit və davamlı şirkət qurmuşuq.
Komandamıza qoşulun — açıq vakansiyalara baxın və CV göndərin.
